Poèmes
A taula !
Quand mameta nos cridava «a taula !»
i calià anar sul còp
perdéqué aimava pas qu'arrivèssem en retard,
quand los prumièrs aviàn fenit de manjar la sopa.
«Es pel servici», disià.
Qué manjavem a l'epoca, quand èrem joves ?
Se cal sovenir qu'èra la guerra,
qu'èrem pas rics e qu'èrem un pauc estacats per la manjalha.
A miejorn commençavem per la sopa
e lo sèr per la salada.
I avià d'apetissadis lo dimenge :
burre, saucissot, tomatas o raves quand èra la sason.
E tota l'annada un bolat d'olivas sus la taula,
d'aquèlas que fasià mameta, de lucquas.
Papeta piquava avans cada plat.
Fasiài como èl.
Va torni faire se i a d'olivas d'avant ieu.
Mameta nos fasià manjar los restàs
avans de nos balhar lo plat novèl ;
los adovava plan ambe d'alh, de seva, de ceboleta,
d'uous batuts, de jauverd...
Papeta ajustava un fialat de vinagre a tot çò qu'èra pas fresc,
sustot s'èra de carn.
Avièm pas un frigo e l'estiu fasià caud dins la cosina.
Me remembri de çò qu'aimavi e de çò qu'aimavi pas.
Aimavi pas la sopa de castanhos,
la merluça que manjavem cada divendres que Diu fasià,
las trufas bolidas asagadas ambe la graissa dal galabard,
los macarèls passats a la padena,
lo feche de biou... |
Çò que m'agradava lo mai ?
los sezes ambe d'oli d'oliva e una persilhada,
los muscles de mar cuèits o crus,
los pichòts aucels qu'agantavem, bardats d'un tindel de porc,
la carn rostida sus un brasàs de gavèls,
lo flan al caramèl dins lo lait de las crabas,
lo bolit dal dimenge e lo pan rostit fretat de mesolha,
las monjetas entresecas dal mès d'agost ambe de codenas frescas,
los cagaraus a la catalana,
las tripas, lo cambajon, la saucissa seca, los codenats,
las trufas rostidas, las piboladas,
las fevas crusas al debut de la prima,
las aurelhetas de la Candelièra,
sens doblidar lo fricòt de pofres de mameta...
Aimavi plan quand ma maire fasià rostir
un lapin jove e pas trop gròs a la padena
ambe de jauverd e qualques gras d'alh...
Demandavi lo feche e un boçin de rable.
Mon fraire volià totjorn la mitat dal feche.
I a pas plan de temps, parlavem d'aquelis sovenirs
e me diguèt qu'avià pas jamai aimat lo feche de lapin.
«E perdéqué ne voliàs la mitat ?
Perdéqué i aviài dreit como tu.
Eres l'ainat, mas l'ainat a pas mai de dreits que los autres !»
S'en passa des causas, a taula,
dins los repais de familha,
e i fasèm pas totjorn atencion.
Sens faire trop de psicologia,
m'agrada quand se metan totis a parlar,
a dire perdéqué pensan çò que pensan,
fan çò que fan e disan çò que disan. |
A table !
Lorsque grand-mère nous appelait «à table !»
il fallait y aller immédiatement
car elle n'aimait pas que nous arrivions en retard,
quand les premiers avaient fini de manger la soupe.
«C'est pour le service» disait-elle.
Que mangions-nous à l'époque quand nous étions jeunes ?
Il faut se souvenir que c'était la guerre,
que nous n'étions pas riches et que nous étions un peu radins pour la nourriture.
A midi, nous commencions par la soupe
et le soir par la salade.
Il y avait des hors-d'oeuvres le dimanche :
beurre, saucisson, tomates ou radis selon la saison.
Et toute l'année un grand bol d'olives sur la table
de celles que préparait grand-mère, des lucques.
Grand-père piquait dedans avant chaque plat.
Je faisais comme lui.
Je le fais encore s'il y a des olives devant moi.
Grand-mère nous faisait manger les restes
avant de nous donner le nouveau plat ;
elle les apprêtait bien avec de l'ail, de l'oignon, de la ciboulette,
des oeufs battus, du persil...
Grand-père ajoutait un filet de vinaigre à tout ce qui n'était pas frais,
surtout si c'était de la viande.
Nous n'avions pas de frigo et l'été il faisait chaud dans la cuisine.
Je me souviens de ce que j'aimais et de ce que je n'aimais pas.
Je n'aimais pas la soupe de châtaignes,
la morue que nous mangions chaque vendredi que Dieu faisait,
les pommes de terre bouillies arrosées avec la graisse du boudin (galavard),
les maquereaux cuits à la poêle,
le foie de boeuf... |
Ce qui me plaisait le plus ?
les pois chiches avec de l'huile d'olive et une persillade,
les moules de mer cuites ou crues,
les petits oiseaux que nous attrapions, bardés d'un morceau de lard,
la viande grillée sur une braise de sarments de vigne,
le flan au caramel fait au lait de chèvre,
le pot-au-feu du dimanche et le pain grillé frotté de moelle,
les haricots pas tout à fait secs du mois d'août avec des couennes fraîches,
les escargots à la catalane,
les tripes, le jambon, la saucisse sèche, les couennes,
les frites, les piboulades,
les fèves crues au début du printemps,
les oreillettes de la Chandeleur,
sans oublier le ragoût de poulpes de grand-mère.
J'aimais bien quand ma mère faisait rôtir
un jeune lapin pas trop gras à la poêle
avec du persil et quelques grains d'ail.
Je demandais le foie et un morceau de râble.
Mon frère voulait toujours la moitié du foie.
Il n'y a pas longtemps, nous évoquions ces souvenirs
et il me dit qu'il n'avait jamais aimé le foie de lapin.
«Et pourquoi tu en voulais la moitié ?
parce que j'y avais droit comme toi.
Tu était l'aîné mais l'aîné n'a pas plus de droits que les autres !»
Il s'en passe des choses à table,
dans les repas de famille,
et nous n'y faisons pas toujours attention.
Sans faire trop de psychologie,
j'aime quand ils se mettent tous à parler,
à dire pourquoi ils pensent ce qu'ils pensent,
font ce qu'ils font et disent ce qu'ils disent. |
